Ngrënia e mëngjesit kontribuon në shëndetin e zemrës tuaj. Studiuesit thonë se njerëzit që e anashkalojnë vaktin e mëngjesit kanë një rrezik pak më të lartë të sëmundjeve kardiovaskulare.
Mëngjesi me të vërtetë mund të jetë vakti më i rëndësishëm i ditës, veçanërisht kur bëhet fjalë për zemrën tuaj.
Një studim i ri nga Universiteti i Ioua-s ka arritur në përfundimin se kapërcimi i mëngjesit mund të ketë një efekt negativ në shëndetin kardiovaskular.
Studimi, i cili u botua në Gazetën e Kolegjit Amerikan të Kardiologjisë, deklaroi se njerëzit që nuk hanin kurrë mëngjes kishin një rrezik 87 për qind më të lartë të vdekjes nga sëmundjet kardiovaskulare krahasuar me ata që hanin mëngjes çdo ditë.
“Mëngjesi zakonisht besohet të jetë vakti më i rëndësishëm ose një nga vaktet më të rëndësishëm të ditës”, tha për Healthline Uei Bao, autor i studimit.
