UEFA ka hapur hetim ndaj Anglisë, pas një incidenti që ndodhi gjatë gjuatjes së penalltisë nga Harry Kane.
Pak para gjuajtjes së penalltisë, një nga tifozët i ka hedhur një rreze lazer në sy portierit të Danimarkës, Kasper Schmeichel, për ta shpërqëndruar.
Gjithsesi, ai ai doli ta priste topin herën e parë, por Kane, duke shfrytëzuar mosorganizimin e duhur të mbrojtjes, e goditi sërish dhe e çoi topin në rrjetë.
Për këtë veprim, Anglia e cila do të përballet me Italinë në finale, mund të dënohet me gjobë.
Anglia akuzohet gjithashtu për shkaktimin e një “shqetësimi” gjatë himnit kombëtar të Danimarkës dhe vendosjen e fishekzjarreve.
“Çështja do të trajtohet nga Organi i Kontrollit, Etikës dhe Disiplinës së Uefa në kohën e duhur,” tha një deklaratë nga organi drejtues i futbollit Evropian.
Gjatë himnit kombëtar danez u dëgjuan brohoritje, të cilat u kritikuan nga zëdhënësi zyrtar i Kryeministrit Boris Johnson.
“Ne duam që tifozët të tregojnë mbështetje dhe të jenë të respektueshëm”, tha zëdhënësi.
Pas lojës, përfaqësuesit danezë u pyetën nëse dëshironin të bënin një ankesë zyrtare, por thanë se nuk dëshironin ta çonin çështjen më tej.
