Festimet për Marco Verratti vazhdojnë. Pas fitimit të “Euro 2020” me ekipin kombëtar italian të Roberto Mancini, mesfushori nga Abruzzo u martua dje me modelen franceze, Jessica Aidi. Për Verratti kjo është martesa e dytë, pasi më 2019 u divorcua nga Laura Zazzara, me të cilën pati dy fëmijë, Tommaso dhe Andrea.
Në këtë ceremoni ishin të ftuar shumë futbollistë, të cilët pas “po” në Neuilly Sur Seine, një komunë në veri të Parisit, morën pjesë në darkën gala. Midis këtyre, shokët e ekipit kombëtar dhe miqtë nga ditët e Pescara të Zdenek Zeman. Pra, sulmuesit Ciro Immobile dhe Lorenzo Insigne nuk mund të mungonin.
Mes të pranishmëve ishte edhe Zlatan Ibrahimovic. Sulmuesi suedez i Milanit ka publikuar një shkrepje në “story” e profilit të tij në Instagram, që e portretizon atë në shoqërinë e dhëndrit, Marco Verratti, dhe Ezequiel Lavezzi, Javier Pastore, Salvatore Sirigu.
“Paris Saint-Germain i vërtetë”, – shkruajti Ibrahimovic. Të pestë përfituan nga ngjarja për të bërë një foto së bashku. Një fotografi që portretizon të kaluarën dhe të tashmen e klubit parizien. Po ashtu, Ibra publikoi edhe një foto me yllin francez, Kylian Mbappe, i cili ka qenë po ashtu në dasmën e mesfushorit italian. Një paradë yjesh, e thënë më shkoqur…