Nga Harry Enten, CNN
Vaksinat kundër Covid-19 funksionojnë për të zvogëluar shumë mundësinë që një person të kalojë një virus simptomatik, të shtrohet në spital ose të vdesë. Megjithatë gati një e treta e amerikanëve nuk kanë marrë një dozë të vetme dhe më shumë se 40% nuk janë vaksinuar plotësisht.
Pra, çfarë funksionon për të bërë që më shumë njerëz të vaksinohen?
Një përgjigje qartësohet në sondazhe dhe në botën reale: frika. Frika nga marrja e virusit dhe humbja e lirive duket sikur i motivon njerëzit të vaksinohen. Ju mund ta shihni këtë te tendencat e fundit të vaksinimit dhe numërimin e rasteve. Që nga mëngjesi i së premtes më shumë njerëz kanë bërë vaksinën javën e fundit sesa që nga qershori deri tani. Kjo ka ndodhur pasi numri i rasteve dhe shtrimet në spitale janë rritur në shkallë vendi.
Alabama, Arkansas, Florida, Luiziana dhe Misisipi, me përjashtim të Floridës, të gjitha shtetet kanë pasur normat më të ulëta të vaksinimit që kur u vunë në dispozicion vaksinat. Por ditët e fundit 5 shtetet renditen në pesë vendet e para për numrin e njerëzve që vaksinohen në të gjithë vendin.
Vaksinimi masiv po ndodh pasi shqetësimi për virusin po rritet sërish si pasojë e variantit Delta. Në sondazhet e Universitetit të Monmouth, shqetësimi se dikush në familje do të infektohej u rrit me 11 pikë nga qershori deri në fund të korrikut. Sondazhi i Axios/Ipsos tregoi një prirje të ngjashme me shqetësimin se përhapja e virusit do të rritet sërish si në prill. Kur shqyrtojmë dy sondazhet e fundit të Ipsos më nga afër, lidhja mes frikës nga virusi dhe gjasave për të vaksinuar të pavaksinuarit bëhet mjaft e qartë, informon dritare.net
Midis atyre që janë jashtëzakonisht ose shumë të shqetësuar për virusin, rreth 39% e të pavaksinuarve thonë se do ta bëjnë vaksinën. Kjo zbret në rreth 30% për ata që janë disi të shqetësuar dhe bie në rreth 12% për ata që nuk janë shumë të shqetësuar për virusin dhe vetëm 5% prej tyre që nuk duan ta bëjnë fare vaksinën.
Të vaksinuarit kanë më shumë frikë nga virusi. Mbrojtja nga të sëmurit ose frika se mos sëmuren ishte arsyeja numër 1 dhe 2 e të anketuarve që vaksinoheshin, sipas sondazhit të Fondacionit Kaiser Family të bërë në qershor. Frika, jo çuditërisht, është një emocion i fuqishëm. Për ata që nuk kanë frikë nga virusi, frika e humbjes së punës mund të jetë përgjigjja për t’u vaksinuar. Sigurisht, gjithmonë do të ketë njerëz që nuk do të vaksinohen pavarësisht çdo gjëje. Rreth gjysma e popullsisë së rritur të pavaksinuar të Amerikës thonë se nuk do të bëjnë kurrë një vaksinë. Çelësi është të bindësh gjysmën tjetër që nuk janë vaksinuar ende që ta bëjnë atë. Frika duket se po funksionon me ta
