Kryetari i Partisë Demokratike Lulzim Basha ka dhënë një deklaratë të shkurtër për mediat në hyrje të Selisë Blu. I pyetur nga gazetarët për deklaratat e bëra ditën e djeshme nga ish-kryeministri Sali Berisha, Basha u shpreh i prerë se synimi i tij kryesor është “largimi i regjimit dhe kthimi i vendit në shina.”
Sa i përket akuzave të liderit historik të PD për pazare me Edi Ramën për ndryshimet kushtetuese, Basha deklaroi se nuk do të ndodhë kurrë që ai të jetë peng i kryeministrit, ashtu siç e cilësoi paraardhësi i tij nga “Foltorja” e Fierit.
