Konsumatorët duhet të hedhin telefonat e tyre kinezë dhe të shmangin blerjen e atyre të rinj, ka paralajmëruar Ministria e Mbrojtjes e Lituanisë. Një raport nga Qendra Kombëtare e Sigurisë Kibernetike testoi celularët 5G nga prodhuesit kinezë. Raporti pretendon se një telefon Xiaomi kishte mjete të integruara të censurës, ndërsa një model tjetër Huawei kishte të meta sigurie.
Huawei tha se asnjë e dhënë e përdoruesit nuk dërgohet nga jashtë dhe Xiaomi tha se nuk censuron komunikimet. “Rekomandimi ynë është të mos blini telefona të rinj kinezë dhe të hiqni qafe ato që janë blerë sa më shpejt që të jetë e mundur,” tha zëvendësministri i Mbrojtjes Margiris Abukevicius.
Në Evropë, kjo aftësi ishte anuluar nga këto modele, por raporti argumentoi se mund të aktivizohej nga distanca në çdo kohë.
“Pajisjet e Xiaomi nuk censurojnë komunikimet për, ose nga përdoruesit e saj,” tha një zëdhënëse për BBC. “Xiaomi kurrë nuk ka dhe kurrë nuk do të kufizojë ose bllokojë sjelljet personale të përdoruesve tanë të smartphone, të tilla si kërkimi, thirrja, kërkimi në internet ose përdorimi i softuerëve të komunikimit të palëve të treta.” Firma është plotësisht në përputhje me GDPR, shtoi ajo.
