Një shtetas shqiptar është gjetur i vdekur në qendër të qytetit Roeselare, në Belgjikë. Mësohet se personi i pajetë është shtetasi Klodjan Turja, ndërsa rrethanat në të cilat ai ka vdekur janë të paqarta.
Mediat belge raportojnë se trupi i pajetë i 38-vjeçarit është gjetur në një bllok apartamentesh në qendër të qytetit.
Sipas mediave belge, fqinjët kanë dëgjuar një zhurmë gjatë natës, por pa e specifikuar atë, disa banorë kanë dalë nga shtëpitë e tyre dhe kanë gjetur trupin e pajetë të shqiptarit rreth orës 05:00 të së mërkurës.
“Viktima kishte lëndime në pjesën e pasme të kohës”, ka thënë për mediat belge një prej hetuesve. “Kjo është një ngjarje e dyshimtë dhe ende nuk mund të dalim në një konkluzion final”, ka shtuar ai.
Vetëm një javë më parë, në Antëerp të Belgjikës, u vra në një atentat 39-vjeçari shqiptar, Bledar Muça.
