Antitrupat mbeten në 99% të rasteve edhe 20 muaj më vonë

Hulumtimet e reja tregojnë se pacientët me koronavirus zhvillojnë antitrupa edhe njëzet muaj më vonë.

Sipas një studimi të ri në SHBA që citon sot noa.al, 99% e të infektuarve me koronavirus vazhdojnë të zhvillojnë antitrupa edhe pas njëzet muajsh.

Hulumtimi u krye nga shkolla e mjekësisë në Universitetin Johns Hopkins në Baltimore dhe kishte të bënte vetëm me ata që nuk ishin vaksinuar.

Ata që kaluan aventurën e koronavirusit kishin antitrupa kundër proteinës së virusit për më shumë se një vit e gjysmë, nëntë herë më shumë se ata që nuk ishin vaksinuar dhe që ishin diagnostikuar me koronavirus.

Studimi, i udhëhequr nga Dr. Jennifer Alejo, u bazua në testimin e antitrupave në tre grupe të ndryshme vullnetarësh, të gjithë të pavaksinuar.

Grupi i parë kishte 295 pjesëmarrës që rezultuan pozitivë për Covid-19, grupi i dytë kishte 275 njerëz që mendonin se ishin prekur një herë nga koronavirusi, por pa u testuar ndonjëherë, dhe grupi i tretë kishte 246 vullnetarë që mendonin se nuk kishin pasur kurrë kovid.

Rezultatet e studimit

Testi i antitrupave tregoi se në periudhën nga 0 deri në 20 muaj pas diagnozës pozitive të koronavirusit, 99% e grupit të parë kishte antitrupa kundër koronavirusit që lidhet me qelizën, me një mesatare të lartë prej 205 për mililitër. Nuk duket të ketë një lidhje midis kohës nga diagnoza dhe nivelit të antitrupave.

Në grupin e dytë antitrupa u gjetën në 55% të individëve, me një mesatare prej 131 U/mL, ndërsa në të tretin vetëm në 11%, me një mesatare prej 82 U/mL.

Studiuesit e raportit që është publikuar në revistën Journal of the American Medical Association, vunë në dukje se arritën në përfundimin se “imuniteti natyror i të rriturve të shëndetshëm amerikanë zgjat jo më pak se 20 muaj pas infektimit të konfirmuar me Covid.

Rezultati konsiderohet inkurajues edhe për faktin se këta persona që u përfshinë në studim, ishin infektuar me variantin kryesor dhe më agresiv të kovidit që nisi në Wuhan.