Teksa vijojnë punimet për Unazën e Madhe të Tiranës, ARRSH ka njoftuar se duke nisur nga dita e nesërme do të ndryshohet drejtimi i lëvizjes për mjetet për shkak të punimeve që po kryhen për ndërtimin e Lotit 3.
Automjetet që do të vijnë nga autostrada Elbasan-Tiranë, pas daljes nga Mbikalimi i Pallatit me Shigjeta në drejtim të rrugës “Teodor Keko”, do të devijojnë djathtas duke përdorur karrexhatën e re të rrugës dytësore të Lotit 3.
Kështu do të shmangin aksin kryesor deri pranë nënkalimit të O-Zone, e duke vazhduar më pas sipas orientimit ekzistues në Lotin 2.
Për automjetet që do të kenë destinacion Yzberishtin, Bulevardin “Migjeni”, “Kombinatin” nuk do të kenë ndryshime në qarkullim.
