Një studim gjerman ka dalë në përfundimin se t’i qahesh partnerit për gjërat e këqija që të kanë ndodhur gjatë ditës, e forcon edhe më shumë lidhjen.

Kërkuesit shkencorë studiuan 100 çifte, gjysma e të cilëve ishin 20-30 vjeç, ndërsa gjysma tjetër 70-80 vjeç.

Në revistën “Social Psychological and Personality Science”, autorët e studimit shkruajnë se ndarja e eksperiencave të këqija me partnerin “duket se i afron më shumë çiftet me njëri-tjetrin, në periudhën afatshkurtër dhe afatgjatë”.

“Kur dikush i tregon partnerit gjërat e këqija që i kanë ndodhur atë ditë, kjo gjë shërben si katalizator për të krijuar një lidhje edhe më të fortë”, lexohet në studim.