Një Robert Lewandowski në formë të shkëlqyer i ka dhuruar një tjetër fitore Barcelonës. Skuadra e drejtuar nga Xavi Hernandez mposhti 0-3 Sevillan në transfertë dhe mori vendin e dytë të klasifikimit, me dy pikë më pak se Real Madrid.
Në minutën e 21, Dembele avancon me shpejtësi drejt qendrës, pason për Lewandowski, i cili kalon portierin me një parabolë, por pas ndërhyrjes së mbrojtësit në vijën fatale, Raiphinha shtyn me kokë topin drejt rrjetës.
Në minutën e 36, Lewandowski kontrolloi me gjoks pasimin perfekt të Kounde dhe goditi fluturimthi, duke dyfishuar rezultatin.
Sapo nisi pjesa e dytë, katalanasit vulosën fitoren me golin e mbrojtësit Eric Garcia, sërish pas një asisti të Kounde.
