Nëse jeni duke kërkuar për një mënyrë relativisht të lehtë për të përmirësuar shëndetin tuaj fizik dhe mendor, atëherë duhet të provoni shëtitjen e mëngjesit përpara se të shkoni në punë. Ju mund ta filloni këtë zakon për shkak të përditshmërisë stresuese, por ka përfitime të pabesueshme për trupin nëse i përkushtoheni siç duhet.

Kur alarmi bie çdo mëngjes, shanset që ju të ktheheni nga ana tjetër e krevatit janë shumë të mëdha dhe ne ju ndjejmë. Megjithatë, ekspertët kanë një mendim ndryshe dhe shpjegojnë pse. 6 arsyet pse ecja përpara se të shkoni në punë është çliruese janë si më poshtë.

Rrit nivelet tuaja të energjisë
Nëse vazhdimisht ndiheni të lodhur, ecja në mëngjes para se të shkoni në punë do të rrisë ndjeshëm nivelet tuaja të energjisë. Sipas hulumtimeve, ushtrimet në natyrë për rreth 20′ i ofrojnë trupit më shumë vitalitet sesa kur ushtroheni në shtëpi.

Ju përmirëson disponimin
Përtej energjisë, ecja në mëngjes përmirëson psikologjinë dhe disponimin tuaj. Ju mbush me emocione pozitive dhe kontribuon në çlirimin e dopaminës dhe serotoninës. Nëse preferoni edhe të ecni pranë natyrës, përfitimet do të jenë të dyfishta.

Rrit nivelin tuaj të përqendrimit
Një studim i Shkollës Mjekësore të Harvardit të vitit 2016 arriti në përfundimin se vetëm 20′-30′ ushtrime aerobike përshpejtojnë kohën e reagimit të vendimmarrjes. Në fakt, ecja me shpejtësi përpara punës ju ndihmon të menaxhoni shumë më mirë ngarkesën e punës që ju pret, duke u përballur me çdo detyrë apo problem që lind me përqendrim më të madh.

Kultivon vetëdijen
“Mindfulness” është një qasje gjithëpërfshirëse ndaj mendjes dhe trupit dhe përfshin ndjesitë tona fizike, mendimet dhe ndjenjat. Ecja e mëngjesit para punës ndihmon pikërisht për këtë.

Përmirëson gjumin
Nëse keni probleme me gjumin, atëherë ky zakon do t’ju duket çlirues. Një studim i vitit 2017 i publikuar në Sleep Health zbuloi se pjesëmarrësit që ishin të ekspozuar ndaj dritës natyrore nga ora 8:00 e mëngjesit deri në mesditë ishin në gjendje të flinin më mirë se ata që shëtisnin në periudha të tjera të ditës.

Ju ndihmon të menaxhoni Depresionin Sezonal
Dimri mund të ketë mbaruar, por një rutinë mëngjesi do t’ju ndihmojë të menaxhoni më mirë ndryshimet sezonale të motit. Edhe pse nuk janë vërtetuar shkaqet e vërteta të Depresionit Sezonal, mendohet se shfaqja e tij lidhet me mungesën e ekspozimit ndaj rrezeve të diellit.