Shumë qytete në Greqi, mes tyre Athina është përfshirë nga stuhi me reshje të dendura shiu dhe ere pasditen e sotme. Në disa zonë në Greqi brenda 72 orëve të fundit raportohet se ka rënë shi sa niveli i dy viteve të fundit.
Reshjet kanë shkaktuar kaos në qarkullim. Një pjesë e përrenjve dhe lumenjve kanë dalë nga shtrati duke shkaktuar përmbytje. Deri tani raportohet vetëm për dëme materiale.
Shumë shtëpi janë përmbytur.
Moti i keq me reshje të dendura pritet që të vijojë edhe në ditët në vazhdim.
Por jo vetëm në Greqi. Ajo që po ndodh sot në vendin fqinj, Greqi u paralajmërua nga një meteorolog gjerman, i cili theksoi se gjithashtu edhe pjesa jugore e Shqipërisë do të preket nga i njëjti nivel i stuhisë që do të shkaktojë përmbytje.
Ditën e sotme meteorologia Lajda Porja theksoi se duke filluar nga mbrëmja e sotme pritet që mbi vendin tonë të ketë reshje të dendura shiu, por edhe dëbore në zonat malore në veri dhe verilindje të vendit.
