Mësohet se përpos dy viktimave, Ardjan Çollaku dhe Lulzim Bitri ka mbetur edhe një tjetër person i plagosur.
Por kush është ai? I plagosuri është kushëri i Lulzim Bitrit. Ai ishte prezent mbrëmë në vendin e ngjarjes duke biseduar me kushëririn e tij dhe Çollakun që e kishte shok, kur këta të fundit u qëlluan me breshëri duke humbur jetën.
Nga breshëria e plumbave ai shpëtoi për mrekulli, pasi një plumb i kaloi pranë veshit dhe që për fat të mirë vetëm sa i shkaktoi një gërvishtje në kokë.
Në momentin që policia ka shkuar në vendin e ngjarjes, mes të tjerëve ka marrë edhe këtë të fundit për dëshmitarë okular. Ai punon si shofer ekskavatori dhe në momentin që grupi hetimor e ka pyetur për shenjën në kokë është shprehur se “jam dëmtuar nga thyerja e xhamit”.
Dyshimet e grupit hetimor janë konfirmuar nga mjeku ligjor që ka konfirmuar që shenja në kokë ishte fshikje nga plumbi, që shpëtoi për mrekulli.
