Edhe në 24 orët e fundit mbetet shqetësuese situata Covid në vendin tonë. Ashtu si në ditët e fundit numri i viktimave mbetet i lartë, ndërsa ai i infektimeve, pavarësisht se ka pasur një rënie të lehtë, mbetet te rreth 1 mijë raste të reja në ditë.
Por po aq shqetësuese duket edhe situata në spitalet Covid. Pavarësisht se janë hapur spitalet rajonale në Shkodër dhe Elbasan, fluksi mbetet i lartë, teksa po shkon drejt shifrës 800, që është konsideruar edhe si pika kritike. Në këto kushte, nëse nuk do të ketë përmirësim as në 24 orët e ardhshme, të hënë pritet të merren masa shtrënguese nga Komiteti i Ekspertëve për parandalimin e pandemisë. Kthimi i të gjitha shkollave online, masa më të forta shtrënguese në bare dhe restorante apo edhe në transportin publik, si dhe ndalimi më i rreptë i grumbullimeve të panevojshme, madje edhe ndryshmi i orarit policor, janë paralajmëruar si masa të reja të detyruara nga situata e krijuar.
Ajo që bie në sy është se numri i lartë i infektimeve në 5-6 qytete. Rreth 80 për qind e totalit është përqëndruar ashtu si edhe sot, në disa vatra, si Tirana, Durrësi, Elbasani dhe Librazhdi, apo Vlora dhe Fieri.
Sot u raportuan 19 viktima nga koronavirusi dhe 986 raste të reja nga 3957 testime.
Në total 962 qytetarë janë shëruar. Me gjithë përpjekjet e stafit mjekësor, e humbën betejën me COVID19: 9 qytetarë nga Tirana, 4 qytetarë nga Shkodra, 2 qytetarë nga Fieri, 1 qytetar nga Shijaku, 1 qytetar nga Kavaja,1 qytetar nga Tepelena, 1 qytetar nga Lushnja, të moshave 65-89 vjeç.
Në 24 orët e fundit janë kryer 3957 testime dhe kanë rezultuar pozitivë 986 qytetarë.
Rastet pozitive të konfirmuara janë identifikuar në këto bashki: 461 raste në Tiranë, 54 raste në Vlorë, 44 raste në Durrës, 41 raste në Fier, 39 raste në Librazhd, 31 raste në Elbasan, 24 raste në Krujë, 23 raste në Shkodër, Pogradec, 22 raste në Lushnje, 19 raste në Kuçovë dhe Tepelenë, 18 raste në Mallakastër dhe Lezhë, 17 raste në Korçë, 15 raste në Mirditë, 12 raste në Berat, 11 raste në Kamëz, 10 raste në Gjirokastër, 9 raste në Peqin, 8 raste në Kurbin dhe Gramsh, 7 raste në Kavajë, 5 raste Ura Vajgurore, 4 raste në Përmet, Kukës, 3 raste në Maliq, Shijak, Kolonjë, Himarë, Vau i Dejës, Pukë, Devoll, 2 raste në Vorë, Cërrik, Skrapar, Sarandë, 1 rast në Poliçan, Kelcyrë, Libohovë, Memaliaj, Bulqizë, Malësi e Madhe, Dibër, Delvinë, Mat, Rrogozhinë, Has.
Gjatë ditës së sotme janë kryer 1331 vaksinime antiCovid dhe që nga fillimi i vaksinimit janë kryer 12467 vaksinime antiv COVID. Në 24 orët e fundit janë shëruar 962 qytetarë, duke e çuar numrin e të shëruarve 68,969 që nga fillimi i epidemisë.
Aktualisht në spitalet COVID në Tiranë dhe tre spitalet rajonale po trajtohen 647 pacientë, 41 në terapi intensive, nga të cilët 9 pacientë janë të intubuar.
Statistika (27 Shkurt 2021)
Raste të reja ditore 986
Të shëruar në 24 orë 962
Të shtruar në spitale 647
Humbje jete në 24 orë 19
Testime ditore 3957
Testime totale 462,980
Raste pozitive 106,215
Raste të shëruara 68,969
Raste Aktive 35,471
Humbje jete 1,775
Shpërndarja gjeografike e rasteve aktive sipas qarqeve:
Tiranë 22853
Fier 2641
Durrës 1664
Vlorë 1748
Shkodër 1337
Gjirokastër 1026
Berat 877
Korçë 916
Elbasan 887
Lezhë 819
Dibër 368
Kukës 335
