Kujtim Gjuzi, Kostaq Papa, Selami Jenishehri dhe Halit Valteri ishin disa nga deputetët e Kuvendit të Shqipërisë që u futën nga listat e PD-së, pasi dogji mandatet dhe në 25 Prill provuan që të garojnë për një tjetër 4 vjeçar në parlament. Disa prej tyre garuan së bashku në koalicion. Aleanca Bashkimi Popullor Emigracioni – Ora e Shpresës dhe Konservatorët bashkoi Gjuzin, Papën, Jenishehrin, etj.
Të gjithë dështuan për të siguruar mandat. Por sa vota kanë marrë secili prej tyre? Deri tani në Tiranë janë numëruar 26 nga 1243 kuti dhe pjesa kryesore e listës janë akoma me zero vota. Ndoshta deri në fund të numërimit do të kenë votën e tyre. Ndërkohë që Kujtim Gjuzi kandidoi në Durrës, ku mandat nuk mori, por mbetet për t’u parë sa vota personale siguroi, pasi koalicioni i tij doli me 88 vota në total.
