Episodet e reja pasojnë serialin e arrestimit kinematografik të biznesmenit rumun Dragos Savulescu në Mykonos, i cili pushtoi mediat ndërkombëtare dhe qeverinë në Bukuresht. Siç zbulohet nga fotot e medies greke protothema.gr, Dragos Savulescu është burgosur në një parajsë tokësore, konkretisht në një vilë prej 12 milionë eurosh, me dalje në det dhe me nëntë dhoma gjumi, në zonën e Agios Lazaros, Mykonos, informon dritare.net
Ai u arrestua pas fotove që publikoi në Instagram modelja shqiptare dhe bashkëshortja e biznesmenit Angela Martni.
I dënuar me 5.5 vjet burg për përfshirjen e tij në një skandal korrupsioni prej 114 milionë eurosh, Savulescu u lirua pak ditë më parë me kushte kufizuese për të mos u larguar nga Mykonos derisa drejtësia të vendosë për ekstradimin e tij në Rumani. Mes zbulimeve të pastrimit të parave, bën përshtypje fakti që ai jeton në një vilë me kosto qiraje prej 87,500 euro në javë.
Biznesmeni rumun dyshohet se ka bërë një marrëveshje të veçantë me pronarin e vilës, duke e marrë me qira 8,000 euro në ditë, pra 56,000 euro në javë.