Një drogë e re sintetike, e quajtur ndryshe ‘Ekstazia e rreme’ që dyshohet se është prodhuar në Kinë, po shpërndahet masivisht në lokalet e natës në Britaninë e Madhe duke sjellë dhe reagimet e shoqatave për rreziqet e saj.
Droga e fuqishme e krahasuar me MDMA po shitet në Britani në formën e pluhurit dhe kristalit dhe duket se po përdoret nga shumë të rinj.
Disa përdorues thonë se substanca e njohur si 4-CMC shkakton humbje të kujtesës dhe halucinacione të tmerrshme.
Autoritetet po hetojnë nëse droga e re ka lidhje me dy vdekje në kohët e fundit në Bristol dhe Londër.
Sipas ekspertëve, çështjet e kufirit që lindin pas Brexit, bllokimet e Covid dhe konfiskimi i sasive të mëdha të drogës në Holandë, nga ku vjen shumica e furnizimit me ekstazi në Mbretërinë e Bashkuar, ka ngadalësuar furnizimin me drogë sintetike dhe për këtë arsye trafikantët kanë gjetur alternativa.
