Gjendet e mbytur në det një grua shqiptare në Greqi.
Një shtetase shqiptare 50 vjeç është gjetur e mbytur në vendin e quajtur Ajia Marina në periferi të Athinës. Sipas rojës bregdetare greke,viktima quhej Elisabeta Çaushi,50 vjeç nga Gorishova e Fierit.
Roja bregdetare njofton se viktima ishte duke bërë not në det (ishte notare dimërore) dhe në rrethana ende të pa njohura u gjet e mbytur 500 metra larg bregut të detit.
Bashkëshorti dhe djali i viktimës njoftuan se viktima shkonte në det në atë zonë dhe ishte në gjendje të mirë shëndetësore. Autopsia tregoi se shkaku i vdekjes ishte mbytja.
