Rrjedhja e të dhënave nga një prej bankave më të famshme në botë, Credit Suisse, ka bërë të zbulohen pasuritë e fshehura të politikanëve, trafikantëve të drogës dhe kriminelëve.

Në listë, ishin përfshirë shumë ish-personazhe të njohur, si ish-diktatori filipinas Ferdinandi dhe gruaja e tij Imelda, të cilët mendohet se vodhën 10 mld euro. Nga ana tjetër, i implikuar është edhe Pavlo Lazarenko, ish-kryeministër i Ukrainës, i cili akuzohet për vjedhjen e 200 mln eurove.

Në investigimin e “The Guardian”, nuk është publikuar listë shtetesh, por vetëm hartë, të cilën nëse e zmadhon, me një rreth të kuq shfaqen vendet nga ku janë llogaritë e personave të korruptuar. Ky rreth i kuq, është edhe mbi Shqipërinë, por nuk dihen emra konkretë.