Vijnë mjaft raportime nga fronti i luftës si pasojë e sulmit të Rusisë ndaj Ukrainës.
Një gazetar australian në Ukrainë nuk mundi ta fshehë frikën e tij pasi Rusia fluturonte nëpër të gjithë Ukrainën raketat e saj.
Fotoreporteri Bryce Wilson po raportonte nga Kramatorsk të enjten, por teksa filmonte kapi edhe tmerrin që i shkaktoi një raketë.
Mirëpo fatmirësisht ishte larg tij.
Që prej orëve të para të mëngjesit, trupat rusë kanë nisur sulmin në Ukrainë. Ekipet e CNN në Kiev, Kharkiv, Odessa dhe Mariupol kanë raportuar se kanë dëgjuar edhe një herë zhurma goditjesh, megjithëse këto deri tani duket të jenë më pak të forta se shpërthimet e raportuara gjatë natës.
Një dëshmitar okular që pa dhe dëgjoi goditjen e fundit në qytetin e Brovary në periferi të Kievit e përshkroi situatën si “të tmerrshme”.
Ekipi i CNN në Kharkiv, në Ukrainën lindore, ka dëgjuar rreth pesë shpërthime që janë disa larg.
Ndërsa në qytetin jugor të Odessa, ekipi dëgjoi një goditje që ishte mjaft afër qendrës së qytetit, saqë aktivizoi alarmet e makinave. Një tjetër shpërthim u dëgjua përgjatë bregut të Odessa pas pesë deri në gjashtë shpërthime të largëta në agim.
Në Mariupol, në juglindje të vendit, ekipi i CNN dëgjoi një breshëri artilerie që zgjati gati 20 sekonda.
