Detaje të reja kanë dalë në dritë nga masakra në Itali, ku shqiptari Taulant Malaj vrau vajzën e tij 16-vjeçare dhe 51-vjeçarin Massimo De Santis, si edhe plagosi me thikë gruan e tij. Nga shtrati i spitalit, Tefta Malaj ka akuzuar bashkëshortin e saj Taulant Malaj se dy vjet më parë kishte ngacmuar seksualisht vajzën e tij. Sipas saj, ai kishte planifikuar gjithçka.
“Burri im është një përbindësh. Deri dy vjet më parë ai ka ngacmuar seksualisht vajzën tonë. Ka ndodhur disa herë… Vajza ime nuk donte të fliste më me të dhe për këtë ai jo vetëm që ia shkatërroi jetën, por edhe e vrau”, raportojnë mediat italiane.
Ajo më tej shtoi se “Xhesika ka dy vite që nuk komunikon me të atin dhe nëse nuk e ka denoncuar, vetëm për të mos pasur reputacion të keq, e dini si është”.
Një ditë më parë në dëshminë e tij të gjatë para hetuesve, bukëpjekësi shqiptar u shpreh se vrasja ka ndodhur për shkak të lidhjes së gruas së tij me italianin 51-vjeçar.
