Kryetari i Këshillit Bashkiak të Kavajës, ka humbur betejën me koronavriusin. Ramazan Cara, 57-vjeç, ndërroi jetë ditën e sotme, në spital në Tiranë, pasi gjendja e tij u përkeqësua.
Ai kishte rezultuar pozitiv me koronavirus prej disa ditësh, por nuk mundi ta fitonte dot betejën.
Për lajmin e trishtë ka reaguar edhe kryebashkiaku i Kavajës, Redjan Krali, i cili vlerëson Carën për kontributin e tij.
“Shumë u lutëm për ty o mik i mirë, por kjo flamë të mundi! Tepër e hidhur është ikja jote sot, për secilin nga ne që pati fatin të të njihte. Të të njihte zemrën e butë, urtësinë e mendimit, besnikërinë e një miku të rrallë. Nuk ka ngushëllim kjo humbje për familjen tënde; Zoti i dhëntë durim dhe forcë! Të qoftë dheu i lehtë Ramazan Cara”, – shkruan Krali.