Agjencitë federale shëndetësore në SHBA të martën bënë thirrje për të pezulluar menjëherë përdorimin e vaksinës së koronavirusit me një dozë të vetme të Johnson & Johnson.
Vendimi erdhi pasi gjashtë marrës të vaksinës në Shtetet e Bashkuara patën një çrregullim të rrallë që përfshinte mpiksjen e gjakut brenda dy javëve pas vaksinimit.
Të gjashtë marrësit ishin gra mes moshave 18 dhe 48 vjeçe. Një grua vdiq dhe një grua e dytë në Nebraska është shtruar në spital, në gjendje kritike.
Pothuajse shtatë milion njerëz në Shtetet e Bashkuara kanë marrë vaksinat Johnson & Johnson deri më tani, dhe afërsisht nëntë milion doza të tjera janë dërguar në shtetet, sipas të dhënave nga Qendrat për Kontrollin dhe Parandalimin e Sëmundjeve.
“Ne rekomandojmë pezullimin në përdorimin e kësaj vaksine nga një bollëk që kemi si dhe për të treguar kujdes”, thanë Dr. Peter Marks, drejtor i Qendrës së Administrimit të Ushqimit dhe Barnave për Vlerësimin dhe Kërkimin Biologjik dhe Dr. Anne Schuchat, zëvendës drejtori kryesor i CDC, në një deklaratë të përbashkët. “Tani për tani, këto ngjarje të pafavorshme duket se janë jashtëzakonisht të rralla”, konfirmuan ata.
