Pjesëmarrësja e votuesve në zgjedhjet e 25 prillit të 221 duket se është e kënaqshme. Komisioni Qendror i Zgjedhjeve epërmes të dhënave që disponon deri në këto momente bën me dije se pjesëmarrja e votimit është e lartë, dhe pse siç konfirmojnë akoma nuk kanë informacion për shumicën e qendrave të votimit.
Ndërkohë sipas KQZ-së nga 5199 qendra votimi në total deri në orën 14:00 kanë raportuar në lidhje me pjesëmarrjen 2207 qendra votimi ku deri më tani vihet re se nga 1274400 kanë votuar 453 940 qytetarë.
Deri më tani numri i votuesve që kanë marrë pjesë janë 35.59 %.
Raportohet se qarku me numrin më të lartë të pjesëmarrësve është ai i Dibrës me 42.66 %, i ndjekur nga Tirana me 39.01 %, ndërkohë deri më tani duket se qarku me % më të vogël të pjesëmarrësve të qytetarëve në zgjedhje është ai i Vlorës me 26.84 %.
Ndërkohë duke bërë një krahasim me zgjedhjet e vitit 2017, në këto zgjedhje duket se tendenca është në rritje.
Ndërkohë në një dalje publike vetëm pak më parë kryetari i Komisionit Qendror të Zgjedhje, Ilirjan Celibashi deklaroi se mesditën e sotme është sulmuar aplikacioni i institucionit që drejton, i cili update-on të dhënat e shifrave të votuesve orë pas ore.
