Për t’i shijuar plotësisht pushimet e verës, por me garancitë më të mira të shëndetit të syve, specialistët oftalmologë nxjerrin në pah 5 aspekte kryesore për t’u kujdesur për sytë dhe vizionin tonë.
1. Mbroni sytë kundër diellit
Ashtu si me lëkurën, rrezatimi diellor mund të shkaktojë dëmtime serioze kumulative në sytë tanë, duke prekur jo vetëm strukturat e jashtme, siç janë qepallat dhe kornea, por edhe ato më të brendshmet, siç është retina. Prandaj, është thelbësore të shmangni ekspozimin e zgjatur pa mbrojtje të syve, gjë që i bën syzet e diellit aleatët tanë më të mirë. “Ne duhet të sigurohemi që ato të aprovohen dhe të kenë shenjën CE”, – paralajmërojnë oftalmologët, të cilët gjithashtu specifikojnë llojin e filtrit dhe ngjyrës së lentes që iu përshtatet më mirë nevojave tona vizuale.
Disa patologji të syve që mund të shmangim, nëse mbrohemi në mënyrë adekuate, janë tumoret e qepallës (rreth 50% e tumoreve që arrijnë në zyrën e okulistit), keratiti aktinik (djegia në sipërfaqen e syrit) ose pterygium. Nga ana tjetër, dielli mund të përshpejtojë shfaqjen e sëmundjeve të tilla si katarakti ose AMD (degjenerimi makular i lidhur me moshën), si dhe shenjat e plakjes në zonën periokulare (rrudhat, njollat e diellit…)
2. Shmangni lentet e kontaktit në det, lumenj dhe pishina
Uji mund të jetë një portë hyrëse e problemeve serioze të syve, veçanërisht për njerëzit që mbajnë lente kontakti, me një rrezik më të lartë të infeksioneve. Për shembull, ato që prodhohen nga një mikroorganizëm i njohur si “acanthamoeba” mund të jenë veçanërisht agresivë për shikimin dhe në masën 80% ndodhin te mbajtësit e lenteve të kontaktit. “Zakon i larjes ose aktivitetet ujore me lentet e kontaktit, si shkuarja në plazh dhe pishinë me to; heqja e tyre pa pasur duar të pastra ose produktet e duhura për t’i ruajtur ato, është krejtësisht e pakëshillueshme për shëndetin tonë të syve”, – rekomandojnë specialistët. Një rekomandim tjetër i përgjithshëm për të minimizuar rreziqet dhe për të shmangur acarimin e syve nga klori ose kripa është përdorimi i syzeve të notit ose zhytjes.
3. Mbani sytë të hidratuar mirë
Vera është një kohë e vitit, kur efektet e syve të thatë mund të dalin në pah. Faktorët mjedisorë, siç janë përdorimi i kondicionerëve, të kombinuara me maska në hapësira të mbyllura dhe orët e shumta, që zakonisht kalojmë para ekraneve, shkaktojnë simptomat e shoqëruara me tharje të syve (ndjesi trupi i huaj, pickim, lotim, skuqje…). Sipas specialistëve, “hapi i parë që mund të bëjmë është të mësohemi të përdorim lotët artificialë pa konservantë për të mbajtur sipërfaqen e syrit të lubrifikuar siç duhet, duke hidratuar sytë, ashtu siç bëjmë me lëkurën tonë”. Sidoqoftë, nëse shqetësimi vazhdon, këshillohet të shkoni në zyrën e okulistit për të marrë një diagnozë të saktë të llojit dhe shkallës së tharjes së syve dhe për të nisur trajtimin më të mirë.
4. Kushtojini vëmendje shëndetit të syve të të vegjëlve
Në fëmijëri, strukturat vizuale janë në zhvillim të plotë dhe, për këtë arsye, duhet të merren parasysh disa masa paraprake. Syzet e diellit janë gjithashtu thelbësore për fëmijët, mundësisht me 3-4 filtra, me një kapacitet më të madh të thithjes së dritës, si dhe syze mbrojtëse të ujit, pasi ato priren të kalojnë shumë kohë në det, pishinë etj. Nga ana tjetër, periudha e pushimeve mund të jetë ideale për të vegjlit për të shijuar më shumë kohë jashtë, duke kompensuar tepricën e shikimit të ngushtë të lidhur me stilin e jetës aktuale, që është rritur si rezultat i izolimit nga pandemia. “Është një nga aspektet që ndikon në një miopizmin progresiv (vështirësi për të parë qartë nga larg) të brezave të rinj”, – tregojnë okulistët.
5. Nëse keni operuar sytë, ndiqni udhëzimet e specialistit tuaj
“Praktikisht, të gjitha operacionet okulistike që kryejmë në klinikat tona janë ambulatore (nuk kërkojnë shtrim) dhe zakonisht bëhen me anestezi lokale, duke lehtësuar një shërim të shpejtë”, – thonë specialistët. Sidoqoftë, që periudha post-operatore të mos ketë ndërlikime, është e rëndësishme të ndiqni këshillat e okulistit tuaj, siç është shmangia e larjes në pishinë ose plazh për një javë; ose periudha e rekomanduar në secilin rast, në varësi të llojit të operacioni dhe evolucionit juaj riaftësues. “Megjithëse ne përdorim teknika të mikro-prerjes, ndërhyrje të caktuara mund të shkaktojnë plagë të vogla, përmes të cilave mikroorganizmat e dëmshëm hyjnë në brendësi të syrit, kështu që duhet të jemi të matur dhe të jemi në përputhje me udhëzimet e parandalimit dhe kontrollet e konsultimit”, – saktësojnë oftamologët.
