Dy efektivë policie mbetën të plagosur në Tiranë pasi motori me të cilin udhëtonin u përfshi në një aksident me një makinë.
Burime zyrtare bëjnë me dije se aksidenti ka ndodhur rreth orës 10:05, në rrugën “Shkëlqim Fusha”, ku mjeti me drejtues R. K., 40 vjeç është përplasur me motorin e policisë me drejtues E. M dhe pasagjer J. D,(punonjës policie në shërbim).
Si pasojë janë lënduar të dy punonjësit e policisë, të cilët u dërguan në spital dhe ndodhen nën kujdesin e mjekëve.
Grupi hetimor punon për sqarimin e rrethanave të aksidentit.
