ronditet Peja. Dy persona kanë mbetur të vrarë dhe një tjetër është plagosur nga të shtënat me armë zjarri. Ngjarja ndodhi rreth orës 20:20, afër Shkollës Ekonomike “Ali Hadri”.
Telegrafi mëson se njëri prej viktimave është Astrit Ademaj, kandidati për kryetar të komunës së Pejës nga Partia Demokratike e Kosovës (PDK), si dhe zyrtari i kësaj partie, Blerand Kadriaj, ish-kandidat për kryetar në Deçan.
Në vendin e ngjarjes ndodhet Prokuroria e Departamentit të Krimeve të rënda dhe po merret me rastin. Ndërkohë që nuk dihet identiteti i personit të plagosur si dhe rrethanat e ngjarjes. Ngjarja e rëndë vjen vetëm pak para zgjedhjeve që do të mbahen në Kosovë më 17 tetor.
