Sezoni aktual te PSG nuk është aspak i lehtë për Kilian Mbappe. Situata e pakëndshme, për shkak se ai ende nuk e ka zgjedhur të ardhmen me skuadrën franceze ka kaluar çdo limit.
Në një fotografi të publikuar së fundmi në rrjetet sociale, shihet që në muralen kushtuar Mbappe në qytetin e fëmijërisë, Bondy është shtuar një kërcënim për sulmuesin francez.
‘Mbappe, je i vdekur’ është kërcënimi që mund të lexohet në muralen e 23-vjeçarit. Mbappe është në dilemë për të zgjidhur të ardhmen me gjigandët francez, kontrata e të cilit skadon në fundin e sezonit.
Ish-sulmuesi i Monakos mund t’i japë udhë fatit të tij edhe në merkaton e Janarit, ku i duhet të arrijë akordin me një klub të ri për t’u transferuar me parametra zero në merkaton e verës.
Klubi më i interesuar për të mbetet Reali i Madridit. Spanjollët janë të gatshëm ta shndërrojnë francezin në një nga lojtarët më të paguar në planet, me pagën e tij që pritet të jetë midis 30 dhe 35 milionë Eurove në sezon.
