Ne kemi banesa në plazhe, shtëpi mes pyjeve, vendpushime në majë malesh dhe gjithashtu hotele nën ujë. Këto duken të gjitha normale, por çfarë mendoni për një hotel në hapësirë?
Po, ky hotel hapësinor së shpejti do të bëhet realitet. Ndërtimi i hotelit të parë hapësinor në botë, Stacioni i Voyager do të nisë në orbitën e ulët të Tokës në vitin 2025 dhe pritet të përfundojë deri në vitin 2027. Ai do të ketë dhoma për 400 persona. Për më tepër, hoteli do të ketë restorante, SPA dhe një kinema gjithashtu.
Orbital Assembly Corporation (OAC), e cila po zhvillon hotelin, ka planifikuar të ndërtojë një rrotë rrotulluese në orbitën e Tokës me ndihmën e robotëve. Për të siguruar që mysafirët të mund të qëndrojnë rehat, do të gjenerohet graviteti artificial i cili do të jetë si graviteti që gjendet në sipërfaqen e hënës.
