Pas rritjes një ditë më parë Bordi i Transparencës ka vendosur të ulë çmimet e karburanteve. Një litër naftë do të tregtohet për 243 lekë nga 252 lekë që ishte nga vendimi i të martës. Çmimi i benzinës është ulur me 12 lekë.
Ulje ka pësuar edhe çmimi i gazit. Vendimi vjen si reflektim i uljes së çmimit të hidrokarbureve në tregjet ndërkombëtare, ku për herë të parë pas shumë kohësh nafta po tregtohet me më pak se 100 dollarë për fuçi.
Njoftimi i Bordit të Transparencës
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 243 lekë/litri, ndërsa i shitjes me shumicë jo më shumë se 231 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 229 lekë/litri, ndërsa i shitjes me shumicë jo më shumë se 217 lekë/litër.
Çmimi i shitjes me pakicë i nënproduktit gaz, të jetë 81 lekë/litri me pakicë dhe i shitjes me pakicë 69 Lekë /litri.
Çmimet e caktuara nga Bordi do të hynë në fuqi sot datë 6 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Jemi në monitorim të vazhdueshëm të ecurisë së bursave, me qëllim reagimin sa më të shpejtë
