Janë rikthyer problemet me sistemin TIMS në pikat e kalimit kufitar të Goricës dhe Qafë Thanës, të cilat lidhin Republikën e Shqipërisë dhe Maqedoninë e Veriut.
Në Qafë Thanë dhe Kapshticë sistemi herë pas here ka probleme, çka ka detyruar punonjësit e pikës kufitare të funksionojnë me regjistra manualë, ndërkohë që prej mëngjesit, njësoj funksionon dhe pika e Goricës.
Sistemi TIMS u sulmua disa ditë nga hakerat iranianë dhe për dy ditë u bllokua në pjesën më të madhe të pikave të kalimit kufitar, mes të cilave dhe aeroporti i Rinasit.
