Policia e Tiranës ka arrestuar 6 persona në orët e fundit, njëri prej të cilëve ishte shpallur në kërkim.
Policia thotë se në vijim të punës për kapjen e personave në kërkim dhe vënien e tyre përpara përgjegjësisë penale, nga shërbimet e Komisariatit të Policisë Nr.4, bënë kapjen dhe ndalimi i shtetasit E. I., 29 vjeç, pasi Gjykata e Rrethit Gjyqësor Tiranë, e ka dënuar me 1 vit dhe 4 muaj burg, për veprën penale “Mashtrimi”.
Po ashtu, është vënë në pranga në flagrancë, shtetasi M. S., 29 vjeç, pasi gjatë kontrollit të mjetit me të cilin ky shtetas po qarkullonte, iu gjet një sasi lëndë e dyshuar kanabis, e cila u sekuestrua në cilësinë e provës materiale.
Nga specialistët për Hetimin e Krimit në Komisariatin e Policisë Nr.4, u bë arrestimi në flagrancë i shtetasit Sh.C., 53 vjeç, pasi duke qenë me masë sigurie “Arrest në shtëpi” për veprën penale “Dhuna në familje”, është konstatuar jashtë banesës.
Specialistët për Hetimin e Krimit në Komisariatin e Policisë Nr.5, bënë arrestimin në flagrancë të shtetasit K. K., 47 vjeç, pasi duke qenë pasagjer në mjetin me drejtues S. F, ka ofenduar dhe ka goditur për shkak të detyrës punonjësin e policisë.
Po ashtu, specialistët e Qarkullimit Rrugor, bënë arrestimin në flagrancë të shtetasve: D.M., 21 vjeç, pasi u kap në flagrancë duke drejtuar mjetin pa lejen përkatëse ; M. P., 61 vjeç, pasi u kap në gjendje të dehur në masën 0.73 mg/l.
Materialet iu referuan Prokurorisë së Rrethit Gjyqësor Tiranë, për veprime të mëtejshme.
