Pavarësisht ultimatumit të SHBA-së, Tom Doshi u regjistrua si kandidat për deputet në zgjedhjet e 25 prillit.
Ilirjan Celibashi i ftuar mbrëmjen e sotme u shpreh se përveç Tom Doshi janë rreth 15 kandidatë që do të verifikohen pasi ka indicie se kanë probleme me dekriminalizimin.
Por a nuk mjafton për KQZ fakti që je shpallur “non grata”, konkretisht Doshi në SHBA, për refuzimin e kandidimit?
“Patjetër ka nevojë për t’u verifikuar. Ky është një rast konkret dhe vlerësimin për këtë rast, komisioneri do ta bëjë përmes një procesi vendimmarrës dhe nuk do të ishte e dobishme ta komentoja këtë si rast.
Ajo çka mund të them është që ky proces i verifikimit pikërisht presupozon disa institucione vendase dhe ndërkombëtare. Në vlerësim të dokumenteve në raport me ligjin merret edhe vendimi” tha Ilirjan Celibashi.
