Kryeministri Edi Rama po zhvillon një vizitë në Paris, ku u prit mesditën e sotme nga presidenti Macron. Avokat Ngjela në një shkrim në Facebook, thotë se Edi Rama u thirr me urgjencë në Francë pas përgjigjes që i dha Presidentit Vuçiç për flamurin serb që vendosi mbi hartën e Kosovës.
“Rama është thirrur urgjent në Paris, për t’u takuar me presidentin francez Makron. Nuk iu bën përshtypje që pse këtë kryeministrin tonë e thërresin urgjent në Paris sikur ta kenë vartës?
Jam i bindur se është shqetësuar serbi Vuçiç për përgjigjen që i dha Rama në lidhje me hartën e Kosovës. Po çfarë ka Makron që na qënka mërzitur me Ramën?
Pse, nuk e dini ju që Serbia është një pseudo shtet i krijuar nga Rusia dhe Franca në territoret e Shqipërisë? E pra, kuptohet që, siç duket, edhe Rama në këto livadhe antishqiptare paska kullotur.
Prandaj e ka thirrur presidenti francez: që të qetësohet Vuçiç. Se edhe politika amerikane është hedhur me forcë për njohjen e pavarësisë së Kosovës nga Serbia. Po Rama?
Të shohim, do të ketë guxim Rama t’i dalë kundër antishqiptarit francez dhe të jetë në favor të shqiptarisë që po forcohet nëpërmjet politikës amerikane?” shkruan Ngjela.
