Një aksident ka ndodhur në minierën e Bulqizës.
Raportohet se është plagosur rëndë një minator, rreth 30-vjeç.
I plagosuri në minierë është transportuar menjëherë për në spitalin e qytetit dhe më pas është nisur me helikopter drejt Tiranës.
Policia po heton për të sqaruar rrethanat e ngjarjes.
Nuk është hera e parë që miniera e Bulqizës bëhet objekt i aksidenteve.
Vetëm në 3 javët e fundit në galeritë e minierës së Bulqizës kanë ndodhur dy aksidente.