Ka nisur sot gjyqi ndaj tre të arrestuarve, të cilët akuzohen si organizatorët e ndërprerjes së fluturimeve në aeroportin e Rinasit.
Ka nisur në Gjykatën e Tiranës seanca ndaj tre kontrolloreve Flora Ndreca, Armando Fezga dhe Muhin Mezini.
Prokuroria e Tiranës dërgoi pasditen në gjykatë kërkesën ndaj tre kontrollorëve.
Mësohet se ndaj Flora Ndrecës organi i akuzës ka kërkuar masën arrest shtëpie, ndërsa për dy të tjerët masën “arrest me burg”.
Prokuroria ka ngritur akuzën e shpërdorimit të detyrës kryer në bashkëpunim.
Si provë ndaj kontrollorëve për akuzat e ngritura, prokuroria ka mesazhet ‘whatsupp’.
Kërkesa po shqyrtohet nga gjyqtari Arben Mica. Çështja po ndiqet nga prokurorët Marjeta Zaimi dhe Lidina Riza.
