Një person në Elbasan ngjitet në pemë dhe tenton të hidhet.
Ai ka hipur sot tek Rrapi i Bezistanit në qendër të qytetit, duke alarmuar policinë dhe forcat zjarrfikëse.
“Parti Enver, jemi gati kurdoherë. Po hidhem. Do hidhem, do vdes për partinë,”- mësohet të ketë bërtitur.
Në vendin e ngjarjes kanë shkuar shumë persona, të cilët janë përpjekur ta bindin që të ulet.
Por pas ndërhyrjes së forcave zjarrfikëse, është bërë e mundur zbritja e tij nga pema pa shkaktuar asnjë dëm.
Mësohet se personi në fjalë ka probleme të shëndetit mendor.
