Shkodër- Janë përgjakur sërish rrugët e vendit. Dy të rijë, një djalë 23-vjeç, ndërsa vajza vetëm 16-vjeçe, kanë gjetur vdekjen si pasojë e një aksidenti të rëndë të ndodhur në aksin Shkodër-Velipojë.
Ngjarja e rëndë është shënuar rreth orës 02:45, teksa ata udhëtonin me një shpejtësi tepër të madhe me një makinë tip “BMW”. Si rezultat i një kthese në rrugë, makina ka dalë jashtë kontrollit dhe për pasojë dy të rinjtë kanë gjetur vdekjen.
Njoftimi i policisë:
Shkodër- Me datë 31.07.2021 rreth orës 02:45, në vendin e quajtur ‘’Mbi sukë’’, në rrugën Shkodër-Velipojë, si rezultat i shpejtesisë në kthesë, një mjet tip BMW, ka dalë nga rruga duke u përplasur me një mur dhe si pasojë kanë humbur jetën, drejtuesi i mjetit, shtetasit A. P. 23 vjeç banues në fshatin Mali Jushit, Shkodër dhe pasagjerja shtetasja D. T. 16 vjeçe banuese në lagjen Perash, Shkodër
