Ministria e Shëndetësisë njoftoi sot se 24 orët e fundit janë testuar 3684 persona në të gjithë vendin. Mes tyre u zbuluan 45 raste të reja me koronavirusin e ri Sars-Cov-2, raporton noa.al.
Një ditë më parë ndër afro 4600 testime të kryera, rezultuan 37 raste të reja infektimi me kovid, kryesisht në Tiranë 10 raste, në Shkodër 7 raste dhe të tjerët në Fier, Elbasan, Lezhë, etj.
COVID19/ Ministria e Shëndetësisë: Asnjë humbje jete, 3684 testime, 45 raste të reja dhe 17 të shëruar në 24 orët e fundit
Ministria e Shëndetësisë i bën apel qytetarëve të vaksinohen ndaj Covid19, për të mbrojtur veten dhe njerëzit e afërt dhe për të frenuar përhapjen e virusit të rrezikshëm. Muaji i hapur i vaksinimit i jep mundësi çdo qytetari +18 vjeç të vaksinohet ndaj Covid19. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Nëse dyshoni se jeni i prekur nga Covid19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127. Ju informojmë për situatën në 24 orët e fundit, si vijon: Janë kryer 3684 testime, nga të cilat kanë rezultuar pozitivë me Covid19, 45 qytetarë, në këto bashki: 10 raste në Tirane, 9 raste ne Shkodër, nga 4 raste në Kavajë, Sarandë, 3 raste në Himarë, nga 2 raste në Elbasan, Berat, Kuçovë, nga 1 rast në Krujë, Durrës, Fier, Kukës, Lezhë, Mirditë, Kamëz, Përmet, Peqin. Aktualisht janë 402 pacientë aktivë me COVID19 në të gjithë vendin. Në Spitalin Infektiv po marrin trajtim spitalor të specializuar 21 pacientë. Në 24 orët e fundit nuk ka asnjë humbje jete me Sars-Cov2 pozitiv. Janë shëruar 17 qytetarë gjatë 24 orëve të fundit, duke e çuar numrin e të shëruarve në 130,222 që nga fillimi i epidemisë.
Statistika (31 Korrik 2021) Raste të reja ditore 45 Të shëruar në 24 orë 17 Të shtruar në spitale 21 Humbje jete në 24 orë 0 Testime ditore 3684
Testime totale 900,346 Raste pozitive 133,081 Raste të shëruara 130,222 Raste Aktive 402 Humbje jete 2,457
Shpërndarja gjeografike e rasteve aktive sipas qarqeve:
Tiranë 146 Elbasan 56 Kukës 34 Vlorë 32 Shkodër 31 Lezhë 30 Fier 21 Berat 18 Korçë 15 Durrës 14 Gjirokastër 5
