Një person mësohet se ka ndërruar jetë brenda poliklinikës qëndrore të qytetit të Beratit. Sipas informacioneve paraprake bëhet me dije se shtetasi Luan Hysi, rreth 65 vjeç, i cili ishte me dializë, kishte shkuar në polioklinikë për të marrë ilaçet dhe për të kryer një vizitë, ku dhe ndërroi jetë në radhë.
Burime bëjnë me dije se i ndjeri kishte shkuar dhe ditën e djeshme për të marrë kurën e tij, por pa mundur dot për shkak të burokracirave.
Nuk dihen ende shkaqet e vdejkjes së 65-vjeçarit, ndërkohë që trupi i tij është çuar për kryerjen e autopsisë në morgun e qytetit. Pritet ekspertiza mjeko-ligjore për të hedhur më shumë dritë drejt vdekjes së 65-vjeçarit.
