Dita nis me kthjellime dhe vranësira të herë pas herëshme, ku më të shpeshta vranësirat do të jenë në zonën e Alpeve shqiptare duke rrezikuar shira të pakët gjatë mesditës.
Por, sipas Meteoalb, pas mesditës parashikohet përmirësim i kushteve të motit në vendin tonë duke bërë që kthjellimet të dominojnë zonat bregdetare ndërsa vranësira kalimtare do ketë në pjesën tjetër të vendit.
Temperaturat e ajrit rriten me 2 gradë në mëngjes por rritje të lehtë sjellin orët e mesditës duke luhatur vlerat ditore nga 13°C deri në 31°C. Era do fryjë mesatare me shpejtësi deri 45 km/h, nga drejtimi Jugor -Jugperëndimor ndërsa në det të hapur krijohet dallgëzim 4 ballë.
Kosovë
Alternime kthjellimesh dhe vranësirash kalimtare mbizotërojnë motin gjatë paradites në Kosovë. Parashikohet që edhe pasditja të vijojë në të njëjtat kushte atmosferike.
Maqedonia e Veriut
Paraditja paraqitet me kthjellime dhe vranësira të herë pas herëshme. Parashikohet që edhe pjesa tjetër e ditës të mbete në të njëjtat kushte atmosferike për të gjithë republikën e MV.
