Ditën e djeshme, në ditën e të dashuruarëve në Treviglio provincë e Bergamo-s, një grua 85-vjeçare vdiq nga një atak në zemër në varrin e të shoqit. Meqenëse burri vdiq rreth 40 vjet më parë, gruaja e tij e vizitonte çdo ditë në varreza.
Viktima është 85-vjeçarja Erminia Dossi, me origjinë nga Fara d’Adda por banuese në Treviglio. Ajo u gjet e pajetë në varrin e bashkëshortit të saj, Giacomo Bonacina, i cili vdiq rreth dyzet vjet më parë.
Që nga shuarja e tij, gruaja e tij shkonte çdo ditë në varreza për të çuar lule ose për të vizituar burrin e saj të ndjerë. Një ritual që nuk e ndërpreu as dje, në një ditë të veçantë si dita e të dashuruarve.
Gjatë vizitës, 85-vjeçarja është ndjerë e sëmurë dhe ka ndërruar jetë menjëherë, ndoshta për shkak të një ataku.
Kështu u bë e mundur të zbulohej historia e Erminias dhe Xhakomos dhe dashuria e tyre: një marrëdhënie nga e cila lindën shtatë fëmijë dhe që rezultoi shumë e fortë pavarësisht vdekjes së parakohshme të burrit.
Erminia ka mbetur gjithmonë e lidhur me bashkëshortin e saj: duket se ajo është zhvendosur në një zonë të Treviglios jo shumë larg varrezave vetëm për të vizituar çdo ditë të shoqin, duke i sjellë një lule mbi varrin e tij.
Një shenjë dashurie dhe romance që donte ta bënte edhe më shumë dje, kur, të paktën për ata që besojnë, dy bashkëshortët më në fund u bashkuan në një tjetër jetë.
