Gjykata e Posaçme rrëzon një kërkesë penale të ish-zv.kryeministrit në arrati, Arben Ahmetaj.
Përmes avokatëve të tij, deputeti Ahmetaj i kërkoi gjykatës të shfuqizojë masën e sekuestros të vendosur mbi një llogari bankare në emër të tij. Kërkesa u shqyrtua nga gjyqtari Erjon Bani, i cili vendosi rrëzimin e saj si të pabazuar në ligj dhe në prova.
Llogaria bankare objekt i kësaj kërkesë është vetëm një nga gjashtë pasuritë e sekuestruara për llogari të hetimit të nisur ndaj tij për akuzat e “korrupsionit”, “fshehjes dhe mosdeklarim të pasurisë” dhe “pastrim të parave”.
Mes katër pasurive të paluajtshme të sekuestruara janë një vile në bregdetin e Palasës dhe një vilë në Hamallaj.
