Së shpejti pagesat në vend do mund të kryhen nga llogaria në llogari, pa nevojën e një karte fizike bankare.
Evolucionin për të shkuar drejt “pagesave të shpejta”, të cilat mund të kryhen 24 orë në ditë dhe me thuajse kosto zero e ka marrë përsipër Banka e Shqipërisë.
Në mbledhjen e nëntë të Komitetit Kombëtar të Sistemit të Pagesave, zëvendësguvernatorja Luljeta Minxhozi tha se për realizimin e këtij objektivi po bashkëpunohet edhe me Bankën Qendrore Europiane.
