Vijojnë të jenë problematike shifrat e ditëve të fundit të rasteve të reja me koronavirus, si për të kujtuar që pandemia nuk ka marrë fund ende.
Në raportimin e fundit të Organizatës Botërore të Shëndetësisë mësohet se gjatë 28 ditëve të fundit numri i të infektuarve me koronavirus, në të gjithë botën, u rrit me 52%.
Sipas të dhënave, në nivel global nga 20 nëntori deri në 17 dhjetor janë regjistruar 850 mijë raste të reja, gjë që ka bërë që OBSH të rikthejë apelin ndaj qytetarëve për kujdes të shtuar.
