Krimet kibernetike janë një nga format e reja të krimit nëpërmjet të cilave po arrihen qëllime kriminale të autorëve nëpërmjet shantazhimit, gjobëvënies e deri në denigrimin e figurës së individit. E për rrjedhojë lufta ndaj këtyre krimeve po merr një tjetër vëmendje edhe nga drejtoritë e policive, të cilat tashmë kanë hapur seksione të posaçme për këto lloj krimesh.
Një e tillë ndodhet edhe në drejtorinë vendore të policisë së Elbasanit, e cila ka hetuar dhe zbuluar disa raste. Një nga specialistët e këtij sektori tregon rastet por edhe pasojat që vijnë nga këto lloj krimesh.
Por ndjekja penale e këtyre rasteve është vetëm njëra anë e medaljes. Personat që bien preh e këtyre krimeve, në shumicën e rasteve janë të rënduar nga ana psikologjike dhe emocionale dhe natyrisht kërkojnë përkrahje dhe trajtim nga psikologët.
Në shumicën e rasteve personat që kanë rënë preh e abuzimit kibernetik, referuar materialeve të hetuara nga policia e Elbasanit, janë femra të moshës mbi 25 vjeçe.
