Policia e Fierit ka zbuluar një bazë prostitucioni dhe ka vënë në pranga një 37-vjeçare.
Në kuadër të operacionit “Gjurmimi”, u bë i mundur arrestimi i shtetaset F.A., e cila pas hetimeve rezultoi se shfrytëzonte për prostitucion një 24-vjeçare.
Gjithashtu, në kuadër të këtij operacioni, u referuan materialet në Prokurori, ku nisi procedimi në gjendje të lirë për 4 shtetas, të dyshuar të implikuar në këtë veprimtari kriminale.
Vijon puna për identifikimin dhe nxjerrjen përpara përgjegjësisë penale, të shtetasve të tjerë të përfshirë në këtë rast.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
